21 лютага ва ўсім свеце адзначаецца Міжнародны дзень роднай мовы. Гэты дзень стаў традыцыйным мерапрыемствам у нашай установе адукацыі. З самай раніцы вучні старэйшых класаў у нацыянальных касцюмах сустракалі настаўнікаў, дзяцей і іх бацькоў з усмешкамі і добрым настроем. На працягу дня вучні прымалі ўдзел у розных конкурсах і спаборніцтвах. На рознакаляровых птушках можна было пісаць любімыя беларускія словы. Каб перадаць самабытнасць, прыгажосць, адрознасць беларускай мовы ад іншых моў і адначасова перадаць пачуцці да роднага слова, вучні стваралі «воблака слоў». Новай і цікавай для дзяцей была гульня з выкарыстаннем інтэрактыўнага плаката «Гульня слоў». Настаўнікі і вучні прынялі ўдзел у акцыі «Размаўляй са мной па-беларуску». Безумоўна, за актыўны ўдзел у спаборніцтвах і конкурсах вучні атрымалі добрыя адзнакі па беларускай мове.