Апошні тыдзень каляндарнай зімы традыцыйна ў нашай установе адукацыі прайшоў у рамках Тыдня беларускай мовы, літаратуры, культуры і мастацтва. Адкрыўся Тыдзень святкаваннем Міжнароднага дня роднай мовы. У мерапрыемствах Тыдня прынялі актыўны ўдзел вучні і настаўнікі. Каб папулярызаваць цікавасць да роднага слова, была праведзена акцыя «Размаўляй са мной па-беларуску», у рамках якой усе ўдзельнікі размаўлялі на беларускай мове. Напрацягу Тыдня вучні V-XI класаў прымалі актыўны ўдзел у такіх мерапрыемствах як віктарына-гульня «Самы лепшы знаўца беларускай мовы», літаратурная гасцёўня «Слова роднай мовы», квэст «Беларуская скарбонка», віктарына «Не проста ў словы мы гуляем, на роднай мове размаўляем». Трэба адзначыць, што 27 лютага былі падведзены вынікі школьны этапу Рэспубліканскага інтэрнэт-конкурсу літаратурных работ «Азбука пачуццяў» у межах праекта «Script.Art.by.». Лепшыя работы будуць напраўлены на раённы этап.

   Завяршыўся Тыдзень літаратурна-музычнай кампазіцыяй «Жывыя старонкі пісьменнікаў-юбіляраў». Падчас свята вучні чыталі ўрыўкі з прозы і вершы нашых знакамітых беларускіх пісьменнікаў, спявалі песні, танцавалі і спрабавалі сябе ў ролі тэатральных акцёраў. Усе прысутныя атрымалі задавальненне і асалоду ад канцэрта. Безумоўна, самыя актыўныя ўдзельнікі Тыдня атрымаюць добрыя адзнакі па беларускай мове і літаратуры.

«Не пакідайце ж мовы нашай беларускай, каб не ўмёрлі».

                                                                     Францішак Багушэвіч.

https://youtu.be/rFPb0W4d0xg